Mynd: Atlanta Black Star
Mynd: Atlanta Black Star

Nýlega fór af stað herferð sem ætlað er að vekja áhuga stúlkna á vísindageiranum og störfum innan hans. Herferðin er á vegum breska fyrirtækisins EDF Energy og ber heitið “Pretty Curious”. Ekki eru allir sáttir við herferðina og þykir mörgum hann ýta undir staðalímyndir kynjanna.

Gagnrýnin er tvíþætt, annars vegar er nafn herferðarinnar gagnrýnt en hins vegar myndband sem búið var til fyrir hana.

Hægt að leggja þann skilning í nafn herferðarinnar að með orðinu “pretty” sé verið að vísa í útlit kvenna, enda þýðir orðið “sæt”. Einnig gæti orðið “pretty” merkt “frekar” og titil herferðarinnar þá verið “frekar forvitin” á íslensku. Sú merking hefur m.a. verið gagnrýnd af mannfræðingnum Michelle Klien sem bendir á að vísindamenn séu sjaldnast frekar forvitnir heldur fremur ákaflega forvitnir, óháð kyni.

Myndbandið, sem sjá má hér að neðan, hefur síðan verið gagnrýnt fyrir þau störf sem konurnar sem fjallað er um í myndbandinu gegna. Í myndbandinu, sem sjá má hér að neðan, eru fjórar fyrirmyndir ungra kvenna í vísindageiranum sýndar. Þar er rætt við efnaverkefærðing, tölvunarfræðing sem hefur þróað tísku app, sjónvarpskynni með meistaragráðu í líffræði villtra dýra og vísindakonu sem sérhæfir sig í framleiðslu á snyrtivörum.

Talsmaður EDF Energy sagði í fréttatilkynningu sem barst Nature að nafnið hafi verið valið til þess að vekja athygli. Einnig er bent á að óháð því hvaða skoðun fólk hefur á orðalaginu sem notað er í herferðinni sé mikilvægt sé að hvetja konur til þess að velja sér starfsferil innan vísindageirans, enda þarfnast fyrirtækið fjölbreytts hóps af starfsfólki og skortur er á verkfræðingum á Bretlandi.

Eins og svo oft áður hefur umræða um herferðina farið á flug á Twitter undir kassamerkinu #prettycurious og má sjá nokkrar þeirra hér að neðan.

TENGDAR GREINARFLEIRI GREINAR