Mynd: Junko Kimura/Getty Images)
Þann 4. apríl var efnavopnaáras gerð á sýrlenska bæinn Khan Sheikhoun. Hundruðir manna slösuðust í árásinni og fleiri en 80 létu lífið, þar á meðal í það minnsta 30 börn. Efnavopnum með efninu sarín var varpað á bæinn með þessum hræðilegu afleiðingum. En hvað er sarín? Hér að neðan eru fimm staðreyndir um efnið og áhrif þess.
- Sarín er taugaeitur sem var fyrst þróað sem skordýraeitur í Þýskalandi árið 1938. Efnið er því manngert og er skylt skordýraeiturefnum af gerðinni organophosphate en er töluvert sterkara en efni í sama flokki.
- Í sínu hreinasta formi er sarín glær, litlaus vökvi sem er bæði lyktarlaus og bragðlaus. Efnið leysist auðveldlega upp í vatni en það gufar auk þess hratt upp og myndar þykkt gas sem sekkur niður í átt að jörðu.
- Efnið hefur áður verið notað í hernaði í árásum á Japan á tíunda áratugnum sem og í áras undir stjórn Bashar al-Assad, forseta Sýrlands, í Sýrlandi árið 2013.
- Væg útsetning veldur ýmsum einkennum á borð við:
– Ruglingi, syfju og höfuðverk.
– Aukinni táramyndun, sársauka í augum og sjóntruflunum.
– Hósta, slefa, nefrennsli, hröðum andardrætti og þyngslum fyrir brjósti.
– Svitaköstum og vöðvakippum.
– Flökurleika, uppköstum, kviðverkjum niðurgangi og tíðum þvaglátum.
– Óeðlilegum blóðþrýstingi og hjartsláttartíðni.
Sé um banvæna útsetningu að ræða bætast við krampar, meðvitundarleysi, lömun og öndunarbilun. - Til er móteitur við saríni en til að það skili tilætluðum árangri það þarf að gefa fljótlega eftir að einstaklingur kemst í tæri við efnið.
Deila
