Fecal transplant pills help patients avoid invasive procedures while restoring healthy gut bacteria.
Fecal transplant pills help patients avoid invasive procedures while restoring healthy gut bacteria.

Eins ógeðslegt of það kann að hljóma kann að vera að inntaka á mannasaur geti hjálpað fólki í baráttunni við offitu og hefjast klínískar rannsóknir seinna á þessu ári. Áður hafa rannsóknir sýnt að heilbrigður saur getur haft jákvæð áhrif á örveruflóru meltingavegarins og meðal annars hefur aðferðin verið notuð til þess að meðhöndla bakteríusýkingar af völdum Clostridium difficile.

Rannsókninni er stýrt af Massachusetts spítala og er ætlunin að komast að því hvort hægt sé að nota saur í töfluformi sem meðferðarúrræði fyrir einstaklinga í ofþyngd. Aðferðin kallast “Faecal microbiota transplantation” og virkar þannig að meltingarbakteríur frá heibrigðum, grönnum einstaklingi eru gefnar einstaklingi í ofþyngd í formi töflu sem inniheldur frostþurrkaðan saur. Til stendur að 21 einstakaklingur taki þátt í rannsókninni sem kemur til með að standa yfir í a.m.k. þrjá mánuði.

Þetta verður í fyrsta sinn sem aðferðin er notuð í þeim tilgangi að berjast gegn offitu en einu niðurstöðurnar fram að þessu hafa verið byggðar á dýratilraunum auk frásagna af virkni í mönnum.

Elaine Yu sem stýrir rannsókninni segist “ekki hafa hugmynd um hver niðurstaðan verður” en vísindamennirnir búast við því að hægt verði að læra ýmislegt um örverur í mannslíkamanum og hvaða áhrif þær hafa.