eu_flag_spif

Ný skýrsla varpar ljósi á það hvernig lönd innan Evrópusambandsins standa sig í að efna Parísarsáttmálann. Löndin 27 bera ábyrgð á 60% losunar gróðurhúsalofttegunda í Evrópu en samkvæmt skýrslunni eru aðeins þrjú lönd sem eru á réttri braut: Svíþjóð, Þýskaland og Frakkland.

Markmið Parísarsáttmálans er að halda hlýnun Jarðar í innan við 2°C og var það markmið landa í Evrópu að minnka losun koltvísýrings um 40% fyrir árið 2030. Samkvæmt skýrslunni, sem unnin var af Carbon Market Watch, virðist þó vera að flest landanna innan sambandsins vinni ekki markvisst að því að efna sáttmálann.

Skýrslan byggir á því að gefa hverju landi fyrir sig stig fyrir ólíka þætti sáttmálans sem vegin eru á móti mikilvægi þeirra. Gögnin voru fengin úr opinberum skjölum, yfirlýsingum ráðherra og skjölum sem skilað var inn til vinnuhóps um umhverfismál innan Evrópusambandsins.

Í stigagjöfinni trónir Svíþjóð á toppnum með 67 stig af 100. Þar á eftir kemur Þýskaland með 54 stig og Frakkland með 53 stig. Meðal þeirra landa sem standa sig hvað verst í loftslagsmálum eru Írland sem aðeins fær 13 stig, þrátt fyrir að markmið landins hafi aðeins verið að draga úr losun um 1% til ársins 2030, Ítalía sem fær 9 stig af 100 og Pólland með aðeins 2 stig.

screen-shot-2017-03-29-at-21-07-25

DeilaShare on FacebookTweet about this on TwitterShare on Google+Share on TumblrShare on LinkedInPin on PinterestEmail this to someone